HAKIPU'U ACADEMY
A Hawaiian Focused Public Charter School
Nā 'Oli
Kāko‘o Ko‘olau
Kāko‘o Ko‘olau, a he lau ka makani,
Kumupali a'e a'e, i ka ‘ohu a ka ua,
‘Ākoakoa mai, lāhui paka ua
Mololani, ‘Āpuakea, Kaniko‘oko‘o
Mo‘omo‘o wa‘awa‘a, Kahawai i ke kua
Hua‘ina wai puna, Ho‘omoko i ka lo‘i
Ho‘i mai Hāloa, Kua‘ana kua loa
Ola i ka wai ola, Ola e kua‘āina
Oli Kuamo‘o
Iwi o ku‘u iwi… Eō
Koko o ku‘u koko… Eō
Pili ka mo‘o… Ā mau loa
(Repeat three times)
Kū Hakipu‘u
Kū Hakipu‘u ka Manawa… Kū!
Oli ‘Ākoakoa
Hiki mai, hiki mai ka lā
Aloha wale ka lā e kau nei
Aia ma lalo o Kawaihoa
I lalo o Kaua‘i o Lehua ē
E Ala e
E ala e kahiki e, e ala e kahiki e
E hume ka malo a ‘ai ka ‘ai
E hopu ka lima i ka hoe a hoe a!
Oli Komo
E hea i ke kanaka e komo ma loko
E hānai ai ā hewa i ka waha
Eia nō ka uku lā o ka leo
A he leo wale nō ē
Nā ʻAumakua
Nā ʻAumakua mai ka lā hiki a ka lā kau
Mai ka hoʻokuʻi a ka hālāwai
Nā ʻaumakua iā ka hina kua iā ka hina alo
Iā ka ʻākau i ka lani
ʻO kiha i ka lani
ʻOē i ka lani
Nunulu i ka lani
Kāholo i ka lani
Eia ka pulapula a ʻoukou nā ʻōpio o Hakipuʻu
E mālama ʻoukou iā mākou
E ulu i ka lani
E ulu i ka honua
E ulu i ka pae ʻāina o Hawaiʻi
E hō mai i ka ʻike
E hō mai i ka ikaika
E hō mai ke akamai
E hō mai ka maopopo pono
E hō mai i ka ʻike papalua
E hō mai ka mana
Amama, ua noa
Oli Kāhea
Ua panopano ke ao ākea
Lālauahi ā hiki Moku Lo’e
Pā lauwili ka makani Ulumano
Wili ‘ia i ka pali a’o Lanihuli
Huli au a ‘ike i Keahiakahoe
He hale aloha nō ia ma ka noe
Eia ka pu’unui o waho nei
He anu ē ______ ‘ae
I Ola Nō Ke Kino
I ola nō ke kino i ka māʻona o ka ʻōpū
I māʻona nō ka ʻōpū i ke aloha o ka makua.
E pū paʻakai kākou me ka mahalo.
Ua loaʻa hoʻi iā kākou ka ʻai a me ke aloha.
Amene